Embedded Files
For andre år på rad har frivillige gått saman om å rydde plast og søppel i Sognefjorden.
I år var me 20 Medvandrere som brukte ein dag på å samle inn plast og anna avfall som hadde drive i land eller blitt liggande att i naturen.
Resultatet vart fleire sekkar med avfall – plastflasker, tauverk, isopor, restar frå fiskeutstyr og mykje anna.
Kvar sekk representerer eit lite stykke natur som no får puste fritt, og som kan vere leveområde for både fisk, fugl og dyr utan å bli hemja av menneskelege spor.
Gjennom ryddeaksjonen vil me ikkje berre ta vare på fjorden her og no, men òg rette opp etter det som har hopa seg opp gjennom tidene.
Me ryddar etter forfedrane våre – og gjer samstundes ein innsats for dei som kjem etter oss.
Born og borneborn skal arve ein rein og levande fjord.
Det kan verke som små handlingar når ein bøyer seg ned og plukkar opp ei plastflaske.
Men når mange gjer litt, så hjelper det masse.
Fellesskapet rundt dette arbeidet viser at handling skaper håp – og at det faktisk er mogleg å regenerere fjorden steg for steg.
Ein stor takk til alle som deltok, og til alle som støttar opp om dette arbeidet.
Me gjer det i lag, for naturen, for fellesskapet – og for framtida.
Prosjektleder
Siri Otterskred
Me berre gjer det !!
Page updated
Report abuse